كلام للبنات فقط : إزاى تخلى ولد يكرهك ؟!!!!

لقيتى حبيبك بيقول " يمين " ..

قولى " شمال " ..

حيتخنق ويطفش .. أى خدمة !

حياتى وحشان Happy valentine .. باى باى عشان بابا قاعد

وتقفلى الخط أوف أعمل ايه معاه خلاص مش طيقاه ولا طايقة كل كلامه الحلو.

أقول لك ايه الحل وازاى تخلى ولد يكرهك فى كام خطوة ..

أبسط من البساطة..

لو كان ولد بينك وبينه علاقة حب ملتهبة

لكنك اتخنقتى منه وزهقتى !!!!!!!

هنا العملية سهلة جدا

وانتو خارجين مع بعض

هزرى مع سواق التاكسى أكيد هايتضايق وأفورى فى الهزار..

واضحكى بصوت عالى فى الشارع..

واذا عدى بجواركم مجموعة شباب علقى عليهم..

البادى ده حلو أوى وياريت الولد يسمعك احرجيه

وتفهمى من كلامه قدام أصحابكو أو أى حد تعرفيه..

عارضى كل أفكاره

لو كان من أنصار الاتجاه المحافظ تبنى أفكار متحررة

.. ولو أفكاره متحررة تبنى أفكار متشددة

ممنوع تمسك ايدى وحرام تكلمنى فى التليفون.

انما لو كان ولد انتى مش عارفاه يعنى عريس صالونات أهلك اتفقوا معاكى انك تروحى فرح بنت عمة خالة جدة باباه عشان تقابليه هناك ومش قادرة ترفضى كده فى المطلق.. دى فرصتك يامعلمة تكرهيه فيكى من البداية وييجى الرفض منه .. روحى الفرح.. هزرى واضحكى مع كل الناس.. وارقصى فى وسط الفرح شدى المايك من المغنى وهو بيغنى أغنية شبرا وبنات شبرا.. سبتية والحلمية .. حاسب ياعم ومع الاداء طبعا أكيد سيصرف نظر عن الموضوع.. ده غير انه كرهك واستحملى ان أهلك هايتبروا منك.. وخلى أسلوبك فى الحديث معاه كأنك شغالة وفى موقف.. ازيك يامعلم ايه الاخبار يا مان .. وافتكرى ترتدي ملابس ولادى فانكى بعد هذه التركيبة الصياعة واللبس والكلام أكيد هايطفش لكن لو كان أهبل وعجبه كل تصرفاتك فى أول فرصة للكلام معاه قولى له ياعم أنا أبشع حد ممكن تقابله فى حياتك أنا مش بعرف أعمل أى حاجة فى المطبخ ولا حتى البيت وكما أنا كئيبة ومتشائمة ولاحظى انطباعة

ولو لاحظتى انه اتمسك بيكى أكثر ننتقل للخطة الثانية اطلبى أغلى أكل وكمان بكميات كبيرة بذلك هايعرف انك مسرفة كمان مفجوعة

ولو الحكاية دى لم تأت بنتيجة ننتقل للخطة البديلة وهى ركزى نظرك مع أى ولد يمر بجوارك وقولى باعجاب أوف.. أوف.. ياه الولد ده يجنن ياعينى على حظنا الهباب.
دلوقتى أقدر أقولك انك اتكرهتى بالثلث وكل خططك نجحت مبروك اتكرهتى يامعلمة

هههههههههههههههه
يلهوى ايه يا دودو كل الكره دا
انتى مش بتحبينا للدرجادى
هو احنا عملنالك ايه

ههههههههههههههه لا انا مش بكرهكوا اوى كده بس الكلام ده للبنات اللى بتدبس فى ولاد مش عايزاها تعمل كده يعنى]

اه اذا كان كده معلش
يبقى انا اللى فكرت غلط بقى

hhhhhhhhhhhhh y5rb 32lk ya dodo y5rbeet el mwahb bs ente moftarya awee mkntsh 23rf emk btkrahehom awe kda bs bgd eshtat 3liki ente fzee3a ya bt

ههههههههههههه ماااشى يا سارة نورتى والله

حراااااااااام عليكى بجد والله يا دودو
عارفه لو البنات سمعت كلامك ايه اللى ممكن يحصل
كده مش هيبقى فى حب بين اى ولد وبنت ابدا
والبنت هتقعد فى بيت اهلها لحد ما تعنس
حرام عليكى هضيعى مستقبل البنات والشباب
هههههههههههههههههههههه
تقبلى مرورى

جدعة يا دودو هى دى المواضيع ولا بلاش
عشان بس يعرفوا احنا ممكن نعمل فيهم ايه

ايه يا ميرا انتى جايه تهدئ النفوس ولا ايه
اهدئ شويه مش كده متسخنهاش اكتر من كده
ههههههههههههههه
بجد حرام عليكم هتقضوا علينا بدرى بدرى كده

اصل احنا بنحبكم اوى فعشان كدا بنعمل فيكم كدا

اها ما هو باين الحب

طبعا يا احمد بتتكلم فى ايه

بالله عليكى يا ميرا لو هو ده حبكم لينا ياريت تكرهونا احسن
مش يمكن تقولوا كلام كويس غير الكلام وتحننوا علينا البنات
وتقوللهم كلام يخليهم يحبونا مش يزهقونا علشان نسبهم

» هديه للبنات _قمصان نوم
» تمان نصايح للبنات علشان تطفش عريس منها