فخلى بالكم يا ولاد
ثمانى نصايح عشان تطفشى عريس منك وتزهقى اهلك وتخليهم يحرموا يجيبولك عرسان تانى
النصيحه الاولى:
لما مامتك تقولك جايلك عريس اعملى نفسك مهتمه وقوليلها انك لازم تقابليه بهدوم جديده وبتاع واهو كده يبقى اللى يجى من الصعايده فايده
النصيحه التانيه:
مامتك هتقعد تظبط فى البيت وتجيب فى حلويات وجاتوهات متمديش ايدك فى حاجه وقوليلهم انا العروسه لازم ابقى فى كامل هيئتى ساعه اما يشوفنى المتنيل على عينه
النصيحه التالته:
اليوم اللى هيجى فيه تنامى كتير وتصحى متأخر وده طبعا عشان تاخدى فتره نوم كافيه عشان وشك يبقى منور لما يشوفك اللى ميتسماش
النصيحه الرابعه:
لما يجى العريس احبسى نفسك فى الاوضه لوحدك عشان محدش يعرف الفضايح اللى بتعمليها جوه ولما حد يسألك قوليله اصلى عاوزك اعملكوا فجأه واخرعكوا
النصيحه الخامسه:
طبعا الهدوم الجديده مش هتتلبسله والبسى اى هدوم قديمه عندك من بتاع معسكرات الكليه وايام المنحسه بتاع الكليه اللى بنقعد فيها على السلالم دى
النصيحه السادسه:
خلاص تمام ضربنا الطقم بتاع الشحاتين
المكياج بقه
حطى بوردر فاتحه خالص وياسلام لو كانت من النوع الردئ عشان تبقى من الاشباح
ارسمى عينيك بكحل من بتاع جده جده جدتك عشان يبقى شبه سبت النور كده
الاى شادو يكون روز غامق وحطى من فوق وتحت عشان تبقى واخده لكميتين فى وشك
والروج يكون بيج او متحطيش خالص عشان تبقى شبه العيانين
النصيحه السبعه :
اول اما تطلعى على الاهل تقعدى من غير ما تسلمى على حد واهلك طبعا هينفهشوا ومحدش هيعرف يقول حاجه من الفجأه اللى انتى عملتيها
النصيحه التامنه والاخيره:
لما يجى الجاتوه والعصير خدى طبقك على حجرك وكلى مع نفسك وخلصى العصير لاخر حبه والحسى صوابعك بعدها
وياسلام بقه لو تدخلى على طبق العريس نفسه تقومى بيه
كده بقه اضمنلك ان محدش فى البيت هيجبلك حد تانى وتاكدلهم انك مش بتحبى جواز الصالونات ده
وادى دقنى ان جالك حد تانى
وارجو ان تكونوا استفدتم يا بنات واتعظتم يا ولاد
الثلاثاء يونيو 07, 2011 6:50 am من طرف amira
bs wlahe mwdo3 gamed awee 
